Vawiin khan Kolasib District chhung Constituency pathum : 4 - Tuirial, 5 - Kolasib leh 6 - Serlui chhunga Inthlanna atana hman tur EVM te endikna leh a hmanna tur polling station zawng zawng siamfelna hun, EVM Commissioning & Final Randomisation chu Kolasib DC Conference Hall-ah neih a ni.

EVM Commissioning leh Final Randomisation hi DC & District Election Officer Pu R. Lalramnghaka leh Kolasib thutchilhtu Election Observer te, Narmdeshwar Lal, IAS, Venkatesh Sharma, IFS, Athiko Chalai, IA&AS, C.S. Rao, IFS leh Sayed Ulfat Hussain, IPS ten an telpui a, MLA Candidate tin agent theuhte pawh an tel bawk a ni.

Heti hian Polling station hrang hranga EVM kalna tur chu siamfel a nita a, heng EVM tehi Sealed nghal a niin polling party theuhten an duty na hmun an pan hunah chauh khawih chet a ni tawh ang. Kolasib District chhunga inthlanna –a duty tur polling party te hi tun kar Inrinni khian an duty na hmun tur panin an chhuak tan dawn a, a tuk Pathianni-ah party engemawzat an chhuak bawk ang.

Hetih lai hian Duty-a chhuak turte chuan an remchan dan angin DC Office-ah Vote an thlak mek reng bawk a ni.