1023/2025-2026

Dated Kolasib the 2nd July 2025: Nizan, 01.07.2025 khan Lead Bank Office huaihawta vantlang inkhawm, Diakkawn YMA Committee Room-a neihah  Kolasib District atana Financial Inclusion (FI) Saturation Campaign chu Pu Lalmuanpuia, PD DRDO, Kolasib chuan khuallian niin a hawng.

FI Saturation Campaign hawngtu Pu Lalmuanpuia chuan, vantlang hamthatna atana sorkarin scheme hrang hrang a siam - Insurance leh pension scheme te chu a hlu in a tangkai em em a. Hetiang facility kan neih hi sorkarin kan hriat loh a duh loh avangin hetiang campaign hi neih a ni, a ti. Khuallian chuan kalkhawm te chu he campaign-a zirtirna an dawn te chu midang zirtir chhawngtu nih tum theih turin a chah a ni.

He hun kaihruaitu Pu Pc Lalnunpuia, LDM Kolasib chuan, Dept. of Financial Services chuan thla thum chhung (01.07.2025 - 30.09.2025) atan Financial Inclusion Saturation Campaign  a puang a ni, a ti a. India ram puma Gram Panchayat (Village Council) tinah he campaign hi nei turin Bank te chu hriattir an ni a. Chumi ang chuan Kolasib ah pawh DC kaihhruaiin, District Level Consultative Committee chuan, Kolasib District chhunga VC 56-a FI Saturation Campaign neih dan tur hi an lo rel tawh a ni, a ti.

FI Saturation Campaign hawn anih hnu hian Kolasib a bank hrang hrang hotute chuan Financial inclusion schemes chungchang bakah KYC re-verification tulna te, unclaimed deposit hmuh let dan bakah Digital Fraud laka inven dan te kalkhawmte hi an zirtir nghal a ni.

Pu Lalhmachhuana, Diakkawn VCP leh Kolasib Jt VC Chairman ni bawk pawhin thu sawiin, hetiang hun tha Lead Bank Office in an buatsaih thei chu lawmawm a tih thu a sawi a. Kalkhawm te chu campaign-a an thil hriatte midang te hrilh chhawng zel turin a fuih bawk a ni.

Nizana Financial Inclusion Campaign hawnna ahhian Kolasib District a Bank hrang hrang aiawhte, khawtlang hruaitute leh Diakkawn leh Kolasib hmun dang atangin chhimtu engemawzah an tel a ni.