Vawiin khan Kolasib DC Conference Hall ah Bawrhsap leh Chairman, District Level Committee on Green Mizoram Dr.Arun T, IAS kaihhruaina hnuaiah Kolasib a Green Mizoram Day-2018 hman dan rel in Member te an thukhawm.

Thutkhawm chuan Green Mizoram Day chu June Ni 11, Chawhma Dar 11:00 ah, School of Nursing Complex, Thingdawl (Govt. Polytechnic Complex) a hman turin a titlu a, Khuallian a tan Tuirial (ST) A/C Bialtu MLA Pu Hmingdailova Khiangte sawm nise a ti bawk. Hemi ni hian Nursing School panna kawngpui leh a huam chhungah thingphun nise tiin thutkhawm chuan a rel a, Kolasib District huam chhunga Kangmei venna kawnga khaw titha 3 te hnenah chawimawina hlan nise tiin a rel bawk.

Kumin Green Mizoram Day thupui a tana thlan chu 'Thing phun Belh la, a awmsa humhalh rawh' tih ani a, Green Mizoram Day hi Official tak chuan kum 1999 atanga hman tan niin kumtin la hman zel a  ni.