Nimin khan Green Mizoram Day Kolasib-ah phur taka hman a ni. Zingalam dar 10:00 ah D.C. Office kawt tualah D.C. Pu Dawngliana chuan thing phunin he ni hi a hawng a, hemi hnu hian thing tiak engemawzat chu D.C. kawt tualah hian Green Mizoram Committee member ten phumin a tul anga hmun hrang hranga thing phun turin feh chhuah zui nghal a ni.
Kumin hian Kolasib District Green Mizoram Committee chuan nasa taka tan lain YMA te leh V/C te chu uar taka thing phun turin a ngen a. Kolasib Rengte tlangsang-ah thing tiak thahnem tak phun a ni a. Serkhan khaw hnuai ram, thal laia a kanna hmunah Forest Department chuan uar takin thing an phun bawk a, Vairengte khaw tui lakna ram bua avanga tui kangchat tawh pawh, tui hna a that leh theih nan Forest Deptt. chuan a chhehvel ramah te thingtiak tam tak an phun chho mek a ni.
Thingdawl Highwayt Restaurant, District Park, JNV leh Sports Complex, Khuangpuilam ah te thing tiak thahnem tak phun a ni bawk a. NSS, Gov’t. Kolasib College leh Scout & Guide ten heng hmunah te hian hnatlangin thing an phun a, sawrkar Department hrang hrang ten mahni office hmunah te an mamawh tawk angin an phun bawk. Thing tiak - Herhse, Ngiau, Khuangthli leh Zawngtai thing te vawiin hian phun an ni.
Thingdawl Highwayt Restaurant, District Park, JNV leh Sports Complex, Khuangpuilam ah te thing tiak thahnem tak phun a ni bawk a. NSS, Gov’t. Kolasib College leh Scout & Guide ten heng hmunah te hian hnatlangin thing an phun a, sawrkar Department hrang hrang ten mahni office hmunah te an mamawh tawk angin an phun bawk. Thing tiak - Herhse, Ngiau, Khuangthli leh Zawngtai thing te vawiin hian phun an ni.
