Rulhut damdawi inpek/semchhuah runpui ‘National DeWorming Day’ chu vawiin khan Kolasib High Sikul ah hman a ni.

He hun hmanpui tu Pi R.Lalnunthari, District Programe Officer, Social Welfare Department chuan hriselna vawn uluk a pawimawh thu a sawi a, zirlai tan phei chuan rilru ti chaktu leh thiamtheihna chu hriselna ah a innghat thui hle ani ati. Hrisel tur chuan ei leh in uluk a ngai a, thlai hring tharlam ei tam chuan hriselna ah kawngro a su hle ani tiin in vawng uluk turin zirlai kalkhawm te a chah a ni.

He hun kaihruaitu DR.RK Lalthlamuana, SMO leh District Immunization Officer ni bawk chuan NDD hi India Ram pumah kum khatah vawi hnih hman thin niin kum 2016 atang khan hman tan a nih thu a tarlang a. kolasib ah pawh hian February khan hman alo ni tawh a, tun hi a tum hnihna a ni. 

Rulhut damdawi (Albendazole tablet) hi Kum 1 atanga kum 19 inkar te hnenah pek tur niin kum 2 hnuai lam tan mum chanve pek tur ani a, thial sawm tur ani. August ni 8 a remchanglo tan August ni 16 ah hun ruahman leh tho niin Kolasib District a hmun hrang hrangah rulhut damdawi pekna hun hman tur ani a. Damdawi hi PHC tin ah a awm vek a, sikul leh anganwadi worker te chuan sub centre hnai ber atanga la in zirlai naupang te hnenah hian an pe dawn a Zirlai naupang nilo kum 1-19 inkar tan hian ASHA worker ten an pe ve thung dawn a ni.

 Heng damdawi pek chhuah te report kimchang chu August ni 31 ral hma in CMO emaw District Immunization Officer hnenah thehluh tur ani a, rulhut damdawi ngeilohna emaw damdawi ei avanga harsatna tawk an awm hlauh chuan District level Adverse events following Immunization (AEFI) Committee Member te hnenah a thlen theih a ni.