Kohhran dan hnuaia inneihna reng reng chu Mizoram sawrkar Law Department ah ziahluh (register) veka Marriage certificate pek an ni tawh dawn. Khaw tina inziah luhna hmun atan Registrar of Birth and Death hnathawk lai mekte chu hmang nghalin Registrar of Marriages tia koh an ni ang.
Registrar of Marriage chungchang hi Kolasib District puma hemi hna thawktute hnenah vawiin khan zirtirin D.C.Conference Hall-ah training neih a ni a. Heta khuallian Pu Dawngliana, D.C. chuan thu sawiin, Mizorama Marriage registration tih tura ruahman chu kan Mizo nun siamthatu a nih ngei a rin thu a sawi a. Kum tling lo inneih leh inthenna a tam a. Khawvel thang zelah mimal inbih chianna leh chhuina pawimawh tak a ni dawn a, kan inneihna hi tih ngheha a awm deuh deuh theih nan Indian Marriage Act te pawh hman ala tul chho dawn a ni, a ti. Pu Dawnga chuan khaw tina registrar te chu birth leh marriage certificate bakah death certificate pawh pe ngei turin a chah a. An lawmman pawh sawrkarin punsak a tum nghe nghe a ni, tiin dik taka thawk turin a fuih a ni.
Training petu Pu Zahmingthanga, Jt. Registrar General of Marriage leh Law & Judicial Deptt. Dy. Secretary chuan, Supreme Court rorel angin India ram pumah inneihna zawng zawng sawrkarah chhinchhiah vek tur a ni a. Mizoram bikah chuan Mizoram Compulsory Registration of Marriage Act chu 2007 ah House ah pass a ni, tiin 1st April 2008 atanga hman tan tura tih chu harsatna eng engemaw avangin vawiinah kan hmang tan dawn ta chauh a ni, a ti. He dan hian kum naupang lutuk inneihna te, nupui pasal pakhat aia tam neih ruk te a veng dawn a. Marriage Certificate danin a pawm ngei Embassy leh Central sawrkar Defence Ministry thleng pawha pawm theih a ni dawn a ni, a ti.
Marriage record hi public record, tupawhin a tul huna en theih turin vawn a ni dawn a, tihbo a thiang dawn lo a ni. Tunah chuan kohhran dana innei te register phawt tura tih a ni a. Registrar te chuan thla kha hnuah Law Deptt. ah report an thehlut zel ang. Hei hi thil pawimawh tak a nih avangin inneih atanga ni 30 chhungin registrar hnenah an in register zel tur a ni. Ngai pawimawhlo leh in register duhlo an awm chuan hremna leh tangka chawi theihna chhawng engemaw zat siam a ni.
Dr. HTC Lalrinchhana, Civil Judge, District Court, Kolasib chuan training hlawhtling taka buatsaih a ni chu lawmthu sawiin kalkhawmte a tin a ni.
Training petu Pu Zahmingthanga, Jt. Registrar General of Marriage leh Law & Judicial Deptt. Dy. Secretary chuan, Supreme Court rorel angin India ram pumah inneihna zawng zawng sawrkarah chhinchhiah vek tur a ni a. Mizoram bikah chuan Mizoram Compulsory Registration of Marriage Act chu 2007 ah House ah pass a ni, tiin 1st April 2008 atanga hman tan tura tih chu harsatna eng engemaw avangin vawiinah kan hmang tan dawn ta chauh a ni, a ti. He dan hian kum naupang lutuk inneihna te, nupui pasal pakhat aia tam neih ruk te a veng dawn a. Marriage Certificate danin a pawm ngei Embassy leh Central sawrkar Defence Ministry thleng pawha pawm theih a ni dawn a ni, a ti.
Marriage record hi public record, tupawhin a tul huna en theih turin vawn a ni dawn a, tihbo a thiang dawn lo a ni. Tunah chuan kohhran dana innei te register phawt tura tih a ni a. Registrar te chuan thla kha hnuah Law Deptt. ah report an thehlut zel ang. Hei hi thil pawimawh tak a nih avangin inneih atanga ni 30 chhungin registrar hnenah an in register zel tur a ni. Ngai pawimawhlo leh in register duhlo an awm chuan hremna leh tangka chawi theihna chhawng engemaw zat siam a ni.
Dr. HTC Lalrinchhana, Civil Judge, District Court, Kolasib chuan training hlawhtling taka buatsaih a ni chu lawmthu sawiin kalkhawmte a tin a ni.
