Vawiin khan Kolasib DC Pi Sangchin Chinzah hovin Kolasib DC Conference Hall-ah Republic Day 2020 lawm dan tur relin Republic Day Celebration Committee an thukhawm a. Republic Day 2020 chu Pathianni ah a tlak avangin a lawmna Ceremonial Function chu zing dar 7: 00 –ah neih nise tih a ni.

DC Pi Sangchin Chinzah chuan Republic Day Celebration committee memberte inpekna leh phurna avanga Republic Day lawmna chu hlawhtling taka buatsaih a nih ngei a beisei thu a sawi a, India ram pum huap ni pawimawh tak a nih avangin he ni lawmna a hlawhtlin theih nan member tinte thawh hona tha nei a mawhphurnate hlenchhuak thueh turin a chah bawk.

Republic day 2020 hi Kolasib Sport Stadium ah zing dar 7:00-ah hman tur a rel a ni a, hemi atan a Kolasib chhunga sawrkar department hrang hrangte mawhphurna sawi ho niin harsatna awm thei te chinfel dan tur rel a ni bawk.