Kolasib-ah India Republic Day 2017 hman dan tur relin vawiin khan DC Conference Hall-ah District Bawrhsap Pu H.Lalengmawia hovin district a official te leh Tlawmngai pawlte an thukhawm.

Pu H.Lalengmawia chuan kalkhawm te kumthar chibai bukin Republic Day ropui taka hman a nih theih nan kalkhawmte ngaihdan tha thawh tur leh mawhphurhna Committee in a pek te tihlawhtling ngei turin a chah a. A lawmna inkhawmah pawh tel vek turin a sawm nghal a ni.

Kolasib-ah hian Republic Day hi Tumpui Field-ah chawhma dar 10 ah hman a ni anga, District Bawrhsap-in hnam puanzar pawtpharin khuallian a ni ang. He ni lawmna parade entir a ni anga, contingent 19 awm thei tura beisei a ni. Republic Day hlawhtling taka hman anih theih nan Department hrang hrang te chanvo pek an ni a. Chhun dar 12-ah sawm bikte pualin Circuit house-ah thingpui ruai buatsaih a ni ang.