Vawiin khan Teachers Day 2009 Kolasib-a St John’s Auditorium-ah ropui taka lawm a ni a, he hun hi Pu P.C. Zoramsangliana, Transport Minister chuan a hmanpui.
Thu sawiin Pu P.C. Zoramsangliana chuan, zirtirtute hi ram leh hnam dintu innih avangin Dikna din chhuahpui ngam fo ang che u, a ti a. Zirlai ten eng ang kawngin nge an hriatzui reng tur chhut a, ngaihsanawm nia an hriat let fo tur nih tum tura chahin, pawl leh thildanga inhmanna aia zirtirtu an nihna ngai pawimawh hmasa ber turin a chah a ni.

Minister chuan, tunlaiah thil changkang mitinin kan duh vek tawh a, chuvangin thil tha (quality) in kan rilru luah se, dik chu dik tia, hmanraw diklo hmanga naupang pass tir aia hmanraw dik hmanga naupang fail tir ngam i thlang zawk ang u, a ti a. Zirlai bu chhung bak khawvel thiamna sang leh nunphung tha ban pha tura naupang chher i tum ang u, tiin Pu P.C. Zoramsangliana chuan zirtirtute chu a fuih a ni.

Pu Dawngliana, Dy. Commissioner kaihhruai lawmna inkhawmah hian Kolasib District chhunga zirtirtu tha 2 Pu J.C. Lalrinliana (Headmaster) Govt. Kawnpui M/S I leh Pi Vanlalmawii, (Teacher) Govt Lungdai P/S II te hnenah District Award for Teachers 2009 khuallian chuan a hian a. LAD enkawl, SGSRY scheme tepen atanga rethei chhawmdawlna sum BPL chhungkua atanga School nupang 168 hnenah pawisa Rs. 500/- theuh hlan a ni bawk a ni.

Teachers Day lawmna-ah hian Prime Minister thuchah chhiar chhuah a nia a. Pu H. Lalremliana, District Award for Teachers 2008 dawngtu chuan thu tawi a sawi bawk a. He hunah hian Kolasib District chhunga pensioner zawng zawngte sawm an niin heng mite hi thilpek hlan an ni a. High School, Middle School leh Primary School zawng zawngte hnenah Minister leh amah tawiawmtu a nupui Pi Lalthlamuani ten thilpek pe in hengte hi Pi Muanin a hlan hlawm a ni

Pu. P.C.Zoramsangliana hi a nupui bakah Pu Lalchungnunga, Jt. Director, Transport leh midang engemaw zatin an tawiawm a ni. Lawmna inkhawmah hian zirtirtu, nu leh pate leh zirlai Hall khat tlatin an kalkhawm a ni.