Nimin khan District Level Committee on Observation of Teachers Day chu Additional D.C. Pu Zairemmawia hovin DC Conference Hall-ah an thu khawm a. Thla leha Teachers Day hman dan tur an rela. Kumin hian Teachers Day chu school tinah anmahni tlin tawk angin phur taka hman nise tiin an rel.
Kumin Teachers Day hi Pathianni a tlak avangin State Level Committee chuan September 6, (Thawhtanni) a hman turin alo rel tawh a ni.

District Level Committee hian nikum lama District chhunga Day hman dan pawh an thlir hova. Kumin chuan a huhova hmang lova mahni school theuhva tlin tawk anga hman nise, a hman dan tur programme pawh mahni tha tih anga duan nise tiin hei hi Zirtirtu tam ber duh dan pawh a ni tiin thu an ti tlu a ni. Kum kalta a National Fund for Teachers Welfare khawn khawm pawh thlir hovin District chhungah sum hmuh tur zat bituk khum a nih avanga an lawm thu pawh Committee chuan an sawi a. Kumin a Kolasib District chhunga sum hmuh tur bituk zat Rs. 35,000/- a chu khawn a nih hunah tlawmngaia inhawng taka lo leisak turin Committee chuan mipuite a ngen nghal bawk a ni.

Teacher Day lawmna ah hian School area chhunga Zirtirtu hna thawk tha chawimawi phu leh Award lo dawng tawhte an awm chuan sawm nise, an phu anga chawimawina pawh hlan nise tih a ni a. Deputy Commissioner in Teachers Day thuchah a sawi chu 4th September tlaiah Local TV ah puan chhuah nise, hemi hnu hian Kolasib District chhunga Zirtirtu pahnih State Award lo dawng tawhtute kawmna pawh tih chhuah zui nise tiin Committee chuan a rel bawk a ni.