S.S.A. Kolasib District hnuaia Village Education Committee (VEC) chairman thar, Kolasib District chhunga khua leh veng tina VCP te tana training chu vawiin khan Kolasib Project Venga Block Resource Centre-ah neih a ni.
He hun hi Kolasib D.C. Pu Dawngliana, DEC chairman ni bawk chuan khuallian niin a hmanpui a. Thu sawiin, SSA hmalakna zau tak chu mi rethei chhanchhuahna tangkai tak a ni, a ti a. VCP kalkhawm te chu he SSA scheme a taka kalpui tura tih tak zeta thawk tura fuihin, dik tak leh fel taka khawtlang tana thawk turin Pu Dawnga chuan a chah a. Training an neih chu ngun taka zir theuh turin leh hriatthiam loh an neihte chu SSA hotute leh amah ngei pawh zawt hreh lo turin a chah bawk. An hnathawhna kawng engkimah V/C te chu a tla chawpa thawk lova plan mumal tak neia thawk thin turin D.C. chuan a fuih a ni.
VEC chairman te tana training hawnna hi Pu Laldingliana, DPC chuan a kaihruai a. Chawhnu lamah Pu Hmangaihzuala, Dy. DPC chuan VEC kalphung leh an hnathawh dan tur kawng hrang hrangte zirtirna a pe a ni.
VEC chairman te tana training hawnna hi Pu Laldingliana, DPC chuan a kaihruai a. Chawhnu lamah Pu Hmangaihzuala, Dy. DPC chuan VEC kalphung leh an hnathawh dan tur kawng hrang hrangte zirtirna a pe a ni.
