3186/2024-2025
Dated the 25th November 2024: Tunlai hian fur ruah tui a lo rehin khua a ro leh tan ta a. Hetiang thal khaw ro hunah hian huan lo ram intih kan sak te, in kang leh kangmei chhuak a lo hluar thin a . Kolasib District chhunga khua leh veng tinah fimkhur taka kangmei chhuak thei laka mipuite kan him tlan theihna leh mipui te tan inven lawk angaih avangin khapna thupek chhuah a tul a.
Chuvangin, Robert C. Lalhmangaiha, District Magistrate, Kolasib chuan Section 163 BNSS, 2023 in thuneihna a pek angin hetiang hian thupek a chhuah e.
1. Kolasib District huam chhunga mi tumahin mahni chenna in a meichhem lai, vawk chaw chhumna mei te timit lovin an chhuahsan tur a ni lo.
2. Electric current an Off vef vek hnuah mahni in chhuahsan thin tur a ni a, mahni inchhung connection te pawh a lo hlui tawh chuan a thawktute leh mi thiam check tir thin tur a ni.
3. Ram kal mi ten ramhnuai ti kang thei zial zuk bungte tihlum lova paih tur a ni lova, an meichhem te pawh timit lova kalsan hauh tur a ni lo.
4. Kan Gas leh Heater hmanlai te kan hman zawhah mumal taka Off thin tur a ni a, leak a awm chuan a thiam siam that tir vat thin tur a ni.
5. Naupang ban phakah lighter, nawhalh leh heater switch dah tura ni lova, infiam nan mei leh kangmei ti chhuak thei hman tirtur a ni lo.
He thupek hi thupek chhuah ni, November ni 25 2024 atanga thla hnih chhung (ni 60) a nung ang.
Kangmei chhuak fo thin laka mipuite kan him tlan theihna tura a chunga thupek chhuah zawm lo tute chu thlaruk chhung tan tir emaw, pawisa chawi tir emaw, a pahnihin emaw hmangin Section 223 BNS, 2023 dan ang a hrem theih an ni ang.
