Nimin khan Mizoram Science, Technology & Innovation Council (MISTIC), Directorate of Science & Technology leh Government Kolasib College, Kolasib tangkawpte chuan National Science Day pualin Kolasib College a Science leh Computer Applications zirlai naupangte tan nikhat awh Science Seminar an buatsaih.

Seminar hi Pu Christopher Lawlor, Associate Professor, Zoology chuan kaihruaiin National Science Day pawimawhna te a sawi a.

Pu B.S. Thapa, Principal pawhin Science zirlai te fuihin hmasawnna atan science leh technology a pawimawh dante a sawi a.

Seminar ah hian Pu L.P. Vanlalchaka, Assistant Professor(Physics) chuan “C.V. Raman and Raman Effect” ah; Mrs Padmini Thapa, Associate Professor (Zoology) in “Genetic Engineering Applications” ah; Dr V.K. Bharati Professor (Chemistry) in “Chemical Weapons” leh “Magical Chemistry" ah te; Pu Pradip Sarker, Associate Professor(Mathematics) in “Mathematical Modelling " ah; Pi Lalthanpuii Hnamte, Assistant Professor (Botany) in “Organic Farming and it’s Importance” ah leh Pu C. Lalngaihzuala, Assistant Professor (Computer Applications) in “Digital India” ah te presentation pein zirlai te an hrilhfiah a ni. Presentation zawh hian zawhna leh chhanna hun hman a ni bawk.

Attachment

  • Loading attachment...