Vawiin khan kolasib a MLA Cup Football Tournament chu kolasib bialtu MLA Pu PC Zoram Sangliana'n a khar.
Kharna inkhawm ah hian khuallian chuan thu sawiin infiamna chu in unauna, inremna leh in hmangaihna tipungtu a tan tha a tih thu a tarlang, final khel turte chu infiammi rilru pu chunga khel turin a chah a, a chak zawk chu chak dan thiama chaklo zawk pawh chaklo dan thiam turin a chah bawk a ni. Infiammi te chu ruihhlo laka fihlim tura fuihin mahni inthunun chung leh rilru fim tak pu chunga infiam turin a fuih a ni.
MLA CUP Football tournament ah hian VC Team 13 tel in , kolasib atangin VC Team 11 leh Bairabi North leh South atangin VC team 1 ve ve an tel a, final ah hian venglai VC team leh project veng vc team te in tumin venglai vc team chuan 2-0 in hneh na changin an champion a ni. Champion team hian lawmman pawisa fai cheng 50,000/-, trophy, medal leh certificate an dawng a, runners up in lawmman pawisa fai cheng 20,000/-, medal leh certificate an dawng ve bawk a ni.
