1458/2025-2026
Dated Kolasib the 2nd August 2025: Vawiin tlai khan Kolasib DC Bungalow ah Kolasib DC, Pu Robert C Lalhmangaiha leh Kolasib Sr SP, Pu David H Lalthangliana hovin NH306&06 a lirthei tlan dan tur chungchang sawiho a ni a. He thutkhawmna hi vawiina Home Minister, Pu K Sapdanga leh Pu TBC Lalvenchhunga MLA ten National Highway 06 an tlawh na a Home Minister hova ruahmanna siam bawhzuina a ni.
Thutkhawmna ahhian tun hnaia National Highway kawngpui thawm that hna thawh mek avanga lirthei tangkhang thahnem tak te felfai zawka an tlan theih dan tur ngaihtuah a ni a. National Highway 306&06 a lirthei tlan dan tur leh Durtlang panna tlang kawnga tlan dan turah hian Kolasib SP atangin nitification tihchhuah nghal nise tia rel a ni.
Vawiin tlaia thurel zingah hian Kawnpui atanga Aizawl panna, Durtlang kawng chu LMV tan tlan hun bituk a awm hranlo anga , amaherawhchu 407 chin tan zan dar 10 atang zing dar 6 thleng hawn ni se tih a ni a. Hei hian 407 chin chunglam lirthei erawh a huam lovang. National Highway 306&06 a lirthei lian tlan dan tur chu kimchang zawk hi SP Office atangin notification tihchhuah a ni ang.
Vawiin tlaia thutkhawmna ahhian Kolasib DC leh SP bakah Kolasiba Addl DC, SDO Civil, Police leh FCS&CA Department aiawhte an tel a ni
