Vawiin khan D.C Conference hall Kolasib ah Kolasib D.C Pi Niharika Rai IAS hovin Independence day hman dan tur rel a ni.

Meeting hi D.C in kaihruai in Kolasib Tumpui field ah lawmna zing dar 10:00 ah  neih nise tih an rel a, Khuallian atan chuan sorkar in a ruat ang apiang pawm mai tha an ti a, Parade contingent Uniform ah paruk School ah Paruk beisei nise, heng bakah hian SSA Pipe band te chu sawm bawk nise tih an rel a, Parade rehearsal pawh ni 10, 11, 12 August 2011 ah te neih nise tih an rel bawk A lawmna hmun Tumpui field lo chei turin PWD, PHE, UD&PA leh P&E te an ruat bawk hetih rual hian Pavillion chei turin DC, DRDA leh DHO te an ruat bawk.

Kum dang ah pawh an lo tih thin tawh angin he ni pual hian Kolasib District chhunga home hrang hrang leh Hospital leh District Jail ah te he ni hlim taka an hman theih nan thil pek hlan nise tih an rel a, a buaipui turin CDPO leh MHIP Sub Hqrs, te an ruat bawk, tanpuina hi Deptt. tin in an rem chan ang tawk thawh khawm nise, MJA Kolasib District te chu pawisa Department tina khawn khawm turin an ruat bawk.

D.C chuan he ni hi India zalenna lawmna ni anih angin, Sorkar hnathawk te bakah NGO leh Kohhran hrang hrang te chu, Programme dang siamlo a, he ni hi hmang turin a ngen a, National flag chu Deptt. tin ten a tarna hmun turah zing ni chhuah rual atar vek tur leh ni tlak hma a seng leh vek turin a chah bawk.

Meeting ah hian Head of Department te bakah NGO aiawh te an kal tha hle.