Vawiin khan Kolasib DC Dr Arun T, IAS hovin DC’s Conference Hall-ah Kolasib District huamchhunga NABARD Project hrang hrang leh hmalak dan tur sawiho a ni a. He meeting-ah hian NABARD Regional Office Deputy General Manager Pu J.Suresh Mizoram leh allied departments - Minor Irrigation, Agriculture, Horticulture, ICAR, KVK, Industry, Food & Civil Supply Department hotute an tel kim hle. 

Vawiina sorkar officials leh NABARD hotute meeting-ah hian Kolasib District chhungah Farmers’ Club 20 chuang din a nih tawh thu te, Minor Irrigation hnuaiah Project 4 kalpui mek a nih thu bakah Bukpui leh Kawnpui-ah Godown sak mek a nih thute tarlan a ni a. NABARD bultumin Mizoram Rural Bank (MRB), Mizoram Co-operative Apex Bank leh KVK kaltlangin KVK hnuaiah ‘Lac Cultivation Project’ leh Rural Information Development Fund (RIDF) bultumin Project kalpui dan tur sawiho a ni bawk a. Bilkhawthlir leh Vairengte-a Kuhva Society hmalaknate bakah NABARD tanpuinain Project dang - Strawbery Village, Kuhva Skop - chungchang sawiho a nih bakah Rengtekawn-ah Rural Forestry leh Water Harvesting lamah chak zawka hmalak nise tih meeting-ah an rel a ni.