1013/2023-2024

Kolasib dated 3rd July 2023: Vawiin chhun khan Pu John LT Sanga, Deputy Commissioner, Kolasib chuan DC Conference Hall chei thar a hawng a. Sawrkar office leh tlawmngai pawl hrang hrang hruaituten he hun hi telpuiin Pi Melody Ngurthantluangi, Addl DC-in hun a kaihruai a ni.

Pu John LT Sanga, Deputy Commissioner chuan Kolasib district tan rorelna hmun pawimawh tak, DC Conference Hall thawmthat leh chei that a nih dan te tarlangin District hmel lanna pawimawh tak a nih thu a sawi a. District-a hotute mai ni lovin Kolasib district mipuite ta a nih thu a sawi a, Kolasib district tan a hmasawnna nasa zawk thlen tur a hmunhma tangkai a nih zel theihna turin kalkhawmte thawhho pui ah a sawm a ni. Pu John LT Sanga chuan kum 1908-a sak Inspection Bangalow, Banglakawn, Kolasib ami chu Sawrkar hmunhma hmasa hmuh theih tlemte te zing a mi a nih thu sawiin hlut leh humhalh a pawimawh thu a sawi a. A lan dan ti danglam lo a, a chhung thawmthat leh hman tlak a chei that a nih theih nan ruahmanna siam tum a nih thu a sawi. Deputy Commissioner chuan Kolasib khaw chhung a Sawrkar hmun pawimawh hrang hrang chei that hna thawh mek a nih thu sawiin DC Office-a tui indiah lohna phuhru turin ruahtui khawlna siam mek a nih thu a sawi a, Office building hrang hrangah pawh a theih chin chinah ruah tui khawl uar turin kalkhawmte a chah bawk a ni.

DC Conference Hall hi The G Ventures, Guwahati-ten a chei that hna hi thla 2 chhung an thawk a, a chhungah hian mi 27 thut theihna awmin, Conference table, microphone 25, Air Conditioner 4, 86 inches Projector screen leh 63 inches TV a awm a. Kolasib district chhunga hmun pawimawh leh ram hruaitute hlimthla thenkhat tar a ni bawk.

Sawrkar office hotute leh tlawmngai pawl hruaitute atangin Kolasib district tan a rorelna hmun pawimawh tak, DC Conference Hall chei that a ni chu lawmawm an tih thu an sawi a, District mipui tan a rawngbawlna hmun pawimawh tak ni zel turin duhsakna an hlan a. Pu Lalmuan Puia, SDO (Sadar) in lawmthu sawina hun a hmang bawk a ni.