4337/2023-2024

Kolasib dated 26th March, 2024: Vawiin chawhma khan DC Conference Hall, Kolasibah General Election to Lok Sabha neih tur a Candidate leh Political Party hrang hrangte senso vil dan tur chungchangah thutkhawmna neih a ni a. Pu John LT Sanga, Deputy Commissioner chuan hun kaihruaiin Kolasib district chhung a Bank hrang hrang a hotute an tel a ni.

Pu John LT Sanga, Deputy Commissioner chuan Election Commission of India-in inthlan hun a puan atang chuan Election Model Code of Conduct hman tan a nih thu sawiin inthlanna felfai, langtlang leh thianghlim a awm theih nan inkaihhruaina hrang hrang zawm a tul thu a sawi a. Inthlanna kaihhnawih a Candidate-te Campaign-na senso vil kawngah Bank-a thawktute an pawimawh hle thu a sawi.

Pi Christina Lalmuanzuali, Election Officer chuan District tin ah Political party ten Additional Expenditure Agent an ruat a tul thu leh ECI-in Candidate-te campaign-na senso a bithliah chin pel lo tur a vil leh enpui a ngaih thu tarlangin hemi kawngah hian Bank-a thawktute nen thawh ho a pawimawh thu a sawi a. Inthlang tur a inbuatsaihna kalpui chhung a Report hrang hrang pek ngaite ngai pawimawh turin kalkhawmte a ngen bawk a ni.

Pu Hmingthanzuala, DIPRO chuan mipuiin vote thlak an ngaih pawimawh theih nan ECI thuchhuak angin Systemic Voters Education & Electoral Participation (SVEEP) kalpui a nih thu sawiin Bank-te nen a tangkawp a Financial Literacy Campaign an kalpui thinna ah Voter Awareness nen a kal kawp theih dan turte sawi ho a ni.