No.3357/2021-2022

Aizawl Dated the 10th December 2021 : Vawiin chawhma khan Mizoram Bharat Scouts & Guides, Kolasib District - Commissioners Meet chu Block Resource Centre (BRC), Samagra Shiksha Kolasibah neih a ni a. Pi Zoliani Hnamte, District Chief Commissioner, Bharat Scouts & Guides leh District Education Officer ni bawk chuan he hun hi kaihruaiin Kolasib DC Dr. H. Lalthlangliana, District President, Bharat Scouts & Guides chu khuallian a ni. He hunah hian Kolasib District chhunga Bharat Scouts & Guides Commissioner-te bakah State Headquarters hruaitute an tel a ni.

Dr. H. Lalthlangliana chuan Zo nun ze mawi leh Scouts & Guides thupui, midang tan a malsawnna thlentu nih chu a kal kawp tlat thu sawiin Scouts and Guides thil tum tam takte chu Kristianna leh tlawmngaihna nunpui a nih thu a sawi a. DC chuan "Midangte tana nung tur chuan mahni tana nun a pawimawh hmasa ber a, thil dik leh tha ti turin mahni zahawmna vawn a pawimawh a, midangte tanpui turin mahni ke a din hmasak kan zir a pawimawh a, kan hriselna leh nundan kan vawn that a pawimawh hle bawk a ni” a ti.

Mizoram Bharat Scouts & Guides State Headquarter a?angin Pu Lalngilneia Colney, State Secretary & Youth Welfare Officer Sports and Youth Service (SYS) chuan Scouts and Guide hmalakna thenkhatte tarlanna hun a hmang bawk a ni.

Vawiin a Kolasib District Bharat Scouts & Guides – Commissioners Meet ah hian Dr. H. Lalthlangliana chuan Warrant of Appointment hlanna a nei nghal a. Chawhnu lamah Pi Lalnunsiami Pachuau, State Organiser kaihhruaina in hun hman niin, Pi Laltanpuii Principal School of Nursing Thingdawl Kolasib chu Investiture lak tirin Asst.District Commissioner(G) atan a lak luh a ni.