Nimin khan Kolasib DC Pu H. Lalengmawia, IAS chuan Mizoram Journalists' Association (MJA) Kolasib District Annual Conference chu District Park Thingdawl ah a hmanpui a. DC chuan tunlai khawvel thang zelah thuthar thehdarhtu leh media pawimawhna chu hai rual anih loh thu sawiin chanchinbu leh media lamah a thawk ten mipui rawngbawlna kawnga hna an thawh that thu leh an hnathawh te chu ropui a tih thu a sawi a. He hunah hian MJA member kalkhawmte chu mipui rawngbawlna kawnga Sawrkar hmalakna leh ruahmanna te tawiawm zel turin a sawm bawk a ni.

Rorel inkhawm an neih zawha MJA Kolasib District, 2016 - 2018 atana hruaitu thar thlanna neih a ni a. OB nilai mek chu pathum chu chuhtu dang awm lovin thlan an ni leh a. President atan Pu H. Vanlalnghaka Vice President atan Pu C. Thanmawia(Duhlai) leh Treasurer atan Pu H. Lalmuanpuia (Chhuahtlang, Kawnpui) te chu thlan nawn an ni. Anni bakah hian Executive Member mi 5 thlan an ni a, chungte chu Pu Andrew VL Auva(Kolasib Today); Pu R. Lalhmingthanga; Pu R. Lalnunmawia(Duhlai); Pu C. Lallawmzuala(Vairengte Aw) leh Pu C. Zomuanpuia (Kolasib Aw) te an ni. Annual Conference hmanpui turin hian MJA Gen. Hqrs. Vice President Pu Zonunsanga Khiangte leh MJA Gen. Hqrs. hruaitu dang pahnih Pu Lalremsiama leh Pu Lalhmachhuana te chu Aizawl atangin an rawn kal a ni.