1962/2024-2025

Dated Kolasib the 8th Sept 2024: Nimin khan Kolasib Deputy Commissioner Pu Robert C. Lalhmangaiha chuan Serkhan atanga Bagha State Highway dinhmun a enfiah.

Tun hnaia ruahsur nasa tak avangin Kolasib District chhunga inkalpawhnate hmun hrang hrang ah nasa takin a chhia a. He kawng chhe zual pui hi National Highway 306&06 te an ni a. Kawng siamthat hna hi theihtawp a kalpui mek a nih laiin nimin khan Kolasib DC chuan National Highway nilo, Kolasib District chhunga kawngpui dang,  Serkhan to Bagha ,State Highway chu a hmunah endikna(inspection)a nei a ni.

Nimin a Inspection neih na ah hian Serkhan atanga Bagha inkar kawng chu khuar tenau a awm zeuh thin tih loh ah chuan a tha thawkhat ni a hriat  a ni a.  Amaherawhchu, Bukpui, North Hlimen leh Saipum inkar kalpawhna erawh khuar lian tham tak tak leh motor tan a tlan hrehawm tham hmun a awm nual a. Hemi chungchangah hian MPWD SDO Kawnpui leh JE te chuan helai hmun hi hna kal lai mek a ni tiin, siam that thuai an in beisei thu DC hi an hrilh a ni.

DC hian State Highway Inspection a neih bakah hian Saipum khaw hmawra cheng, Manipur atanga raltlan te a tlawh bawk a.  He hmun a raltlan te hi  a tam ber chu Manipur a Tamenglong District mi niin, Kuki tawng hmang an ni tlangpui bawk. Nimin a DC in raltlante a tlawh na ahhian ei leh bar leh thildang a an harsatna te lo thlen in DC pawh in a theihtawp a hma lak pui a tum thu a sawi bawk.

Saipum a  Manipur raltlante kawmna hun hman  zawh hian  Saiphai khuaah  village council hotute nen inkawmhona neih a ni a.  An khaw panna kawng (approach road) dinhmun chhe lutuk avanga an harsatna te thlen in, a rang lama siam a nih  theih nana bawhzui sak tura ngenna lehkha  VC member te hian DC hnenah an hlan a. Kawng chungchang piah lamah an khaw chawm tu transformer chhiat avanga eng  tlakchhamna awm mek chungchangte pawh an thlen bawk.

Nimin a Kolasib DC in State Highway inspection a neih hi DIPRO Kolasib leh  SDO PWD, Kawnpui ten an tawiawm a ni.