352/2024-2025 

Kolasib dated 24th April 2024: District Urban Development Office, Kolasib leh Govt C. Zakhuma Higher Secondary School, Eco Club tangkawp buatsaihin vawiin chawhma dar 9:30 khan College Veng Kolasib Areopagi-ah 'Project: Waste Free Kolasib' khuhhawnna neih a ni a. Govt. CZ HSS Eco Club te hian Kolasib Tui lakna Tuichhuahen fintu Tuilut lui hnar an thianfai nghal a. Kolasib DC Pu John LT Sanga chuan khuallian niin a a vailiam.

Pu Lalnghilhlova Chinzah, Principal Govt. CZ HSS kaihhruai a 'Project: Waste Free Kolasib' vailiamna hun ah hian Kolasib DC Pu John LT Sanga chuan CZ HSS Eco Club te hmalakna chu thil ropui tak nia a hriat thu a sawi a. He an hmalakna hian Kolasib khawpui faina kawngah, veng chhung, mimal faina lama kan inenkawlna ah thu ropui tak a sawi a rin thu, a sawi. Zirlaite leh Zirtirtuten Office pawimawh tak nen a thawk ho a, khawtlang tihfai hna, kan tui in tur hnar tihfai hna thawk tura an pen chhuahna chuan thangkhawk ring tak a siam zel a beisei thu a sawi bawk a ni.

Kolasib DC chuan, 'Kolasib District neitu chu vawiin a mite hi kan ni. Kolasib District hma hun chu kan zirlaite ah hian a innghat a. Vawiin hian kan District enkawl a, thianghlimna lam a hma la tur a ke inpen chhuak hi a thawktu tur dik tak te in thawk chhuak a ni' a ti a. Kolasib mipuite hrisel nan kan tui tlan hnar a vawn thianghlim a pawimawh thu sawiin bawlhhlawh kan paih dan ah fimkhur kan zir a ṭul hle thu a sawi bawk a ni.

Govt. CZ HSS hian nikum khan Tuichhuahen fintu lui hnar thenfai hna hi an lo thawk tawh a. Bawlhhlawh Bag 100 zet an lo paih tawh. Kumin ah a aia nasa zawk a hmalak tumin Eco Club ten ruahmanna an siam a. An ruahman dan chuan Bawlhhlawh hi bag 200 tal thenfai an  tum a. School naupang 150 vel bakah Zirtirtu mi 20 an thawk chhuak a ni.