No.130/2020-2021


Vawiin chawhnu khan Dr H Lalthlangliana, DC Kolasib chuan Vairengte a Covid-19 endikna hmun te tlawhin Vairengte khawtlang hruaitute nen Vairengte khaw chhung a Village Level Task Force te hmalak dan hrang hrang an thlirho a, harsatna an hmachhawn te sawi hovin hmalak dan tur an rel bawk a ni.


Dr H. Lalthlangliana chuan Covid-19 hri darh zel tur ven leh mipui te nitin mamawh ngaihtuahpui chu Task Force ten kan ngaih pawimawh ber a nih tur thu a sawi a, Essential Commodities hrang hrang phurtu lirthei te chu chelh khawtlai lova, a rang thei ang ber a kaltir thin a tul thu a sawi. DC chuan Covid-19 hri laka khawtlang kan inkharkhip chhung hian mipuite nitin nunphung a phurrit siam belh lo zawng leh a theih chin chin ah harsatna awm te sutkian sak zawnga hma la turin a chah a, tun dinhmun ah Vairengte chu Mizoram mipuite eitur lakluhna hmun pawimawh ber a nih avangin tha thlah lova hma la zel turin a chah bawk a ni. Social Media kaltlang a mipui ti chi-ai thei thuziak theh darh a ni thin chu Dr H Lalthlangliana chuan pawi a tih thu a sawi a, hetiang thu belhchiandawllo darh tur venna kawngah mitin ten mawhphurna kan neih theuh thu a sawi bawk a ni. Kolasib DC chuan Covid-19 hlauh luat ah tullo in harsatna kan insiam belh theih thu a sawi a, fimkhur nachang leh fimkhurna kawng a inzirtirna neih a pawimawh thu a sawi bawk a ni.


Dr Lalhlimpuia, CMO, Kolasib pawhin thu sawiin February ni 11, 2020 atanga check gate a Covid-19 endik hna kalpui a nih atangin vawiin thleng hian covid-19 vei rinhlehawm pakhatmah an la awm loh thu a sawi a. A tir atanga  screening hna an kalpuina kawngah Vairengte khawtlangin a tul apiangah an lo pui thin chu lawmawm a tih thu sawiin Covid-19 in kaichhawn dan leh fimkhur ngaihna hrang hrang te sawi zauna hun a hmang bawk a ni.


Vairengte khawtlang hruaitute leh DC, Kolasib te hian Vairengte SDO (C) pisaah inkawm hona hun an hmang a, he hun hi 

Isaac C Lalrempuia, SDO (C) in Additional SP, Kolasib, DIPRO, Kolasib, Medical Officer, Vairengte, SDPO Vairengte, VC, Pu C.Liankunga, President, Sub-Headquarters YMA, Kolasib leh YMA Vairengte a hruaitute an tel a ni.

Attachment

  • Loading attachment...