No.3327/2019-2020

Vawiin chawhma khan DC Conference Hall, Kolasibah Covid-19 lak a khawtlang a inkaihhruaina kalpui dan tur rel a thutkhawmna neih a ni a. Dr H Lalthlangliana, DC Kolasib in he hun hi kaihruaiin Zonal Magistrate ruat thar te leh Kolasib district chhung VC member te an tel a ni.

Dr H Lalthlangliana chuan Kolasib district chu district dangte anglo takin Mizoram pum tan a district pawimawh, mipuite mamawh chawk luhna luhka leh kawngpui pawimawh tak tak kalna a nih angin Covid-19 task force te mawhphurna pawh a pawimawh zual bik thu a sawi a. Mizo mipuiten nitin mamawh kan neih theihna kawng a harsatna a awm loh nan heng Essential Commodities phur lirthei te chetvelna awlsam zawk ruahman a tul thu a sawi bawk a ni. Dr H Lalthlangliana chuan, Mizo mipui te mamawh phur tur a, mizo tlawmngaihna nen a thawkchhuak, kan Driver huaisen tak tak te tan, kawng lak a an mamawh ang ei leh in te, harsatna an tawh palh pawh a anmahni puitu turin Task Force te chu an inpeih reng  a tul thu a sawi bawk a ni. Kolasib DC chuan Covid-19 lak a khawtlang a inkaihhruaina kalpui dan tur Sawrkarin a tih chhuah chungchang sawiin, Local Task Force te pawhin an veng mipuite tan a thil tha ber ngaihtuah chung a an hna kalpui a pawimawh thu leh a tul hun apiang ah Zonal Executive Magistrate ruat thar te thu ngaichang thiam tur in a chah a, khawtlang inkaihhruaina kalpui chungchang a harsatna leh mamawh an neih ang te chu an bialtu Zonal Executive Magistrate theuh te hnen a thlen thin tur in a chah bawk a ni.

Quarantine Facility leh hmun pawimawh a ngaih te chu Disinfectant Management Team ten damdawi  hmang a tih fai hna an kalpui tan tawh thu tarlan a ni a, mipui nitin mamawh ngaihtuah sak turin Essential Commodities Team din a nih thu leh, a tul ang a hmalak mek a nih thu tarlan a ni bawk.

Kolasib DC chuan mahni district huam chhung theuh a mikhual tangkhang te riahna tur leh ei leh in ngaihtuah sak a tul thu a sawi a, mipui nawlpui kan tawmim avangin ram lam a chhuak chhun ten ram tih kanna lak ah an fimkhur zual a pawimawh thu sawiin Covid-19 lak a invenna kawng a inlungrual tak a thawhpui ah khawtlang hruaitu VC member hrang hrang te chu a sawm nghal bawk a ni.

Zonal Executive Magistrate ruat te leh an area chan dan te;