No.7811/2020-2021 

Dated Kolasib, the 16^th March, 2021: Mi thenkhat silai license-a silai chawpin emaw, a silai tel lovin emaw zuar an awm a hriat a ni a. Tin, mi thenkhatin silai license, eng silai mah la register loh pawh an zuar ni a hriat a ni bawk.

               Silai license neitu ten silai license nei tho midang hnen atangin silai an lei emaw an hralh dawn chuan valid license an neih ve ve a ngaih bakah a leitu turin silai lei phalna a nei ngei tur a ni a. Chutiang mi te chuan an awmna District Magistrate phalna la hmasa in an silai lei emaw, hralh emaw chu an license ve ve ah District Magistrate in an ziak lut ngei ngei tur a ni.

               Dan in a phal ang ni lova silai leh a license zawrh te, license chauh zawrh te, license nei lo hnena silai hralh te hi Dan kalh a ni. Tin, mahni hminga license nei lova silai kawl hi Section 25 of Arms Act, 1959 angin a rei lo berah kum 3 lung in tan theihna a ni. Hetiang Dan in a phal loh thil ti lui tute chu an license tih tawp sak an nih bakah sawrkarin Dan angin a hrem ang.

               Section 3 (1) of Arms Act, 1959 angin silai (Firearms) hi mahni hminga silai license nei te chauhin an kawl thiang a: Arms Rules, 2016 hman a nih atangin mimalin midang silai retainer anga an kawl theih thin pawh tih tawp a ni tawh bawk.