No.4986/2020-2021

Vawiin chawhnu khan Dr. Lalhlimpuia, Chief Medical Officer, Kolasib chuan COVID19 Contact Tracing kalpui dan leh Test hrang hrang neih dan chungchangah thutharlakhawmtute a kawm.

Dr. Lalhmimpuia CMO chuan Contact Tracing kalpui dan leh Test neih dan chungchangah sawrkarin kalphung a duante mitinin kan hriat a, a tul ang a, felfai taka hmalak a nih theih nan leh mipuite an chiai loh nan tih tur leh tih loh tur kan hriattlan a tul thu a sawi a. Kolasib District chhung a COVID19 Contact Tracing kalpui a nih dan turte a hnuai ami ang hian a sawi a ni:

1. Covid-19 vei ni a rinhlelhte chu an awmna atanga hnai ber Health Worker / Medical Officer hnenah an in report vat tur a ni. In report te chu contact Tracing format 1 hmangin IDSP section CMO Office, Kolasibah rang takin report an rawn pe ang a. District contact tracing team in an buaipui nghal char char ang a, a tul angin an thlifim ang a, test tihsak tul apiangte tihsak zel an ni ang.

2. Contact tracing team hi Kolasib town, CHC/PHC level leh Sub Centre level ah din vek a ni a. Anni hian mahni bial theuh positive contact neite contact tracing format 1 hmangin rang takin CMO office, Kolasibah an report ang. Heng a mawhphurtur hian medical Officer leh Health Worker te ruat vek an ni.

3. Khawtin / Vengtin VLTF te pawhin rinhlelh an neih chuan contact tracing team ah report pek hmasak hi a pawimawh ber a ni.

4. Positive contact neite test nan hian RAT (Antigen) hman phal a ni lova, RT-PCR emaw TruNAT chauh hman tur a ni.

5. Kolasib khaw chhung bik test ngai te chu :
(i) Polytechnic, Thingdawl.
(ii) SIRD Hostel, Kolasib
(iii) Govt. Kolasib College
(iv) RSTC, Kolasibah te Swab sample lak sak thin an ni ang.
6. Kolasib khaw pawn ami test ngai, Kolasib kal remchang theilo te an awm a nih chuan an bialtu PHC/CHC ah sample collection team member ten kal chilhin swab sample an lak sak thin ang a, hemi team-te hman tur veivahna pawh Kolasib Bawrhsap-in ruahmanna a siam tawh a ni.

7. First contact nilo, mahni dinhmun hriat duh vanga in test duh te chuan RT-PCR-ah Rs. 4500/-, TruNAT-ah Rs. 3000/- an chawi a ngai dawn a ni.

8. TruNAT test result hi IDSP section, CMO office Kolasibah thehluh a ni ang a, CMO office atang hian state IDSP ah thawn a ni ang. Result hi State DIPR chauh in a puang thei a ni.

9. Swab sample lak sak te hi a lo positive chuan Covid Care Centre (CCC) ah dah luh nghal zel an ni ang. A negative te chu ni 14 chhung Home Quartine tur an ni.

10. Contact tracing chungchanga hriat duh neite chuan a hnuai a number tarlan ahte hian zawh fiah theih reng a ni e. 8974768597 / 9774403199