No.3612/2020-2020

Vawiin khan Kolasib District Bawrhsap Dr H Lalthlangliana hovin Kolasib D.C Conference Hall-ah kumin Independence Day lawmna hun hman dan tur chungchang sawi ho a ni.

Kumin Independence Day lawm dan tur chungchanga Sawrkar laipui, Ministry of Home Affairs leh Mizoram sawrkar, GAD ten kaihhruaina an siam zulzuiin vawiina Kolasib District Bawrhsap hova meeting ah hian Kolasiba Independence Day lawmna chu, covid-19 hripui laka invenna leh himna ngaihtuah chungin, mi tlem thei ang leh hautak lo thei ang zawnga hman turin rel a ni. Independence Day lawmna ah hian kum dang angin School naupang atangin Parade contingent an awm dawn lo a. Sawrkar hnathawk te pawh Head of Office, political party aiawhte, National award dawng tawh te leh NGO a hruaitute chauh tel tura sawm an ni dawn a ni. Vawiin meeting chuan Indepencence Day lawmna hun chu DC Office tualzawl a hman turin a rel a, District a Department hrang hrang chanvo insem dan tur te sawiho nghal a ni.