191/2024-2025 

Kolasib dated 15th April, 2024: Vawiin khan Lok Sabha MP Election neih tur a Kolasib district chhung a Polling Station 89 vil tur Presiding Officer leh Assistant Presiding Officer-te tan Training tum thumna neih pui an ni a. Training hi DIPRO Conference Hall, BRC Hall leh DUDO Conference Hall-ah te neih a ni.

Vawiin PRO leh APRO-te tan a training buatsaih ah hian inthlan ni a EVM leh VVPAT khawl endik dan te, vote tla zat chhinchhiah dan leh Report pek dan te inzirtir nawn leh a ni a. Pollstar kaltlang a report thehluh dan leh EVM hman dan tihchhinna te neih leh a ni. Training hi State Level Master Trainer, District Level Master Trainer leh Assembly Segment Master Trainer-ten an pe a ni.

Kolasibah hian voter 63830 awm ang a chhinchhiah niin Polling Station 89 buatsaih a ni a. Polling Station-a duty tur hian mi 452 ruat niin PRO 113, APRO 113 leh Polling Official 226-te an ni. 4-Tuirial Assembly segment-ah hian voter 18433 awmin Polling Station 26 a awm a, 5-Kolasib Assembly segment-ah voter 24102 awmin Polling Station 29-a awm a, 6-Serlui Assembly segment-ah voter 21284 awmin Polling Station 34-a awm bawk a ni.

Polling Station 89 zingah hian hmeichhe vil Polling Station 10, thalai vil bik Polling Station 1 leh ruah tui khawl pawimawh zia pho lang thei tur a chei, Unique Polling Station 1 siam a ni a, he Unique Polling Station-ah hian intlar ngai lova vote thlak theih turin ruahmanna siam a ni.