530/2024-2025

Kolasib dated 21st May, 2024: Lok Sabha MP Election 2024 neih zawh tak a vote tla felfai tak a chhiar a nih theih nan Kolasib District-ah inbuatsaihna kalpui mek zel a ni a. Vawiin khan I&PR Conference Hall, BRC Hall leh DC Conference Hall-ah ‘Counting Supervisor’, ‘Counting Assistant’ leh ‘Counting Micro Observer’-te tan training kalpui a ni a. Pi Christina Lalmuanzuali, Election Officer, Pi F.Lalnisai, BDO, Thingdawl leh Pu Gilbert Lalhlimpuia, SDC-ten training hi an pe a ni.

Kolasib District-a Lok Sabha MP Election 2024-a vote tla te chu Govt. Kolasib College-a ‘Counting Hall’ pathum ah June ni 4, chawhma dar 8:00 a chhiar tan tur a ruahman a ni a. Vote tla chhiar tur hian ‘Counting Supervisor’, ‘Counting Assistant’ leh ‘Counting Micro Observer’ atan mi 42 theuh ruat an ni. 4-Tuirial Assembly Segment atan Counting table 9, 5-Kolasib Assembly Segment atan 10 leh 6-Serlui Assembly Segment atan Counting table 12 ruahman a ni.