Press Information Bureau bultuma Central Media Unit te leh State sorkar tangrualin an buatsaih thin Bharat Nirman Public Information Campaign chu ni 12 - 14 October chhung hian Mizorama a tum 13 na atan Kolasib Disrtrict-a hmun pathum, Bilkhawthlir, Kolasib Venglai leh Lungdai ah te neih a ni ni dawn.
PIC Campaign ah hian mipuite tana hriattur tul tak tak sorkar laipuiin hnam tenau te tana programme a neih te MGNREGS, JNNURM, SSA leh RTI nihphung leh a taka thawh dan te puanzar a ni ang a, zawhna leh chhanna pawh neih a ni bawk ang.

Heng hmun pathuma PIC neih turah hian Bilkhawthlir ah Pu K. Lalrinthanga, MLA Kolasib ah Pu P.C. Zoram Sangliana, Transport Minister leh Lungdai-ah Pu Hmingdailova Khiangte ten an hmanpui dawn a. Mipui a tam thei ang he hun remchang hi chhawra kal ngei tura sawm an ni.