No.3734/2021-2022

Aizawl 19th January 2022Vawiin chawhnu khan DC Conference Hall Kolasibah kangmei lak a fimkhur inzirtirna kawng pakhat, kum tin a kalpui thin,’ Fire Prevention Week’ hman dan tur relin District Level Fire Prevention Committee te chuan thutkhawmna an nei a. Dr.H.Lalthlangliana, DC in hun kaihruaiin Pi Margaret Lalramchhani, IFS, DFO Kolasibin ruahmanna hrang hrang awmte sawi zauna hun a hmang bawk a ni.

District Level Fire Prevention Committee, Kolasib district thukhawm chuan kangmei venna hapta hawnna hun chu ni 7, February 2022-ah hman nise tiin a rel a, hemi hapta chhung hian in kang leh ram kang a thlen loh nan fimkhurna kawng hrang hrang uar zawk a inzirtir nise tih a ni bawk a ni. DFO Pi Margaret Lalramchhani chuan Prevention week 2022 hlawhtling tak a hman a nih theih nan a hma thei ang berin kangmei chhuak thei lak a invenna hrang hrang kalpui a tul thu leh uar zawk a inzirtirna kalpui a tul thu a sawi a. Hemi tur hian sawrkar department dangte leh tlawmngai pawl hrang hrangte chu thawhhopuiah a sawm bawk a ni.

Committee chuan Fire Prevention Week chhung hian khaw chhung hmun laili laiah te inzirtirna thuziak tarchhuah nise a ti a. YMA nen thawkhoa aurinna hmanga khaw tin leh vengtin ah fimkhur tur a inzirtirna a tam thei ang ber auchhuahpui turin rel a ni bawk. Ram hal tur te chuan March ni 15, 2022 hma ngei a hal tur a nih thu te leh hun tiam pel a ram ha; an awm a nih chuan khauh tak a dan anga hremna lekkawh tur a nih thu sawi a ni. Kangmei lak a fimkhurna kalpui kawng a veng/khua titha thlan chhuahna a awm tur thu sawi a ni a, pakhatna hian Cheng 50,000, pahnihna Cheng 30,000 leh Pathumna cheng 20,000 a ni ang a, a endiktu tur te pawh ruat nghal an ni bawk.

Attachment

  • Loading attachment...