Accoutant General Office, Mizoram Aizawl tena Kolasib District chhunga Performance Audit an neih chu vawiin khan zawk fel a ni a, a khaikhawmna hun vawiin khan DC’s Conference Hall, Kolasib ah Kolasib Bawrhsap Pu H. Lalengmawia hovin Audit te leh Line Department hotute nen neih a ni.

NLUP Performance Audit hi ni 18.07.2016 khan tan niin Kolasib khaw chhung tiamin khaw 12 ah neih a ni a, hemi hun chhung hian NLUP hnuaia Line Department te hnathawh dan Audit Team te hian an enfiahn a, NLUP trade hrang hrang dawngtu mi 2000 chuang an kawm bakah khaw tina Field inspection neih a ni.

Audit Team te hian 1st Phase atanga NLUP dawngtute kawmin, NLUP dawngtu NLUP an dawn hma leh dawn hnu a an chhungkaw dinhmun te zawt fiahin, tlangram lo neih an bansan leh bansan loh te leh tun thlengin eizawnna atan an hmang em tih te an enfiah a, an thi hmuhchhuah te hi AG Office ah report an pe leh dawn a, District 2 (pahnih) Aizawl leh Saiha ah te Audit hi lo nei tawhin Mamit ah leh Champhai ah neih chhunzawm tum a ni.

NLUP dawng tur hian chhungkuaa kum khat a Rs 50,000/- lalut phak lo chin, eizawnna ngialnghet nei lo an ni tur a ni tiin NLUP Guidelines in a tarlang a, Audit Team te hian NLUP dawngtu te chu chutiang an ni ngei em tih te enfiahin, dawng thei lo tura ngaih dawng an awm chuan paih tura ngaih an ni.