Vawiin chawhma dar 11:00 khan DC Conference Hall Kolasib-ah Pu Lalfela Sailo, Addl. DC chuan Kolasib District chhunga MLA bial pathum– Kolasib, Tuirial leh Serlui biala electoral roll enfiahna thar ber chu a tlangzarh.

Special Summary revision-ah hian ni 15.10.2014 atanga ni 10.11.2014 thleng electoral roll-a in ziahluh theih hun hawn a ni a, kum 18 tling tharte tan leh, pem leh thihna avanga hming paih leh thun thar turte tana remchanna siam a ni.

Tun dinhmunah Kolasib District chhungah voters 52435 an awm a. Tuirial bialah–15939, Kolasib bialah–19369 leh Serlui bialah–17127 te an awm mek a ni. Voters list hi party aiawha ruat te, SDO (Civil) te, BDO te leh Booth Level Officer atana ruat te hnenah vawiin atanga en theih a nih thu Pu R.Lalngakliana, Election Officer chuan a sawi.