No.4514/2020-2021 

Kolasib 28.08.2020: Vawiin chawhma khan Dr H Lalthlangliana, District Election Officer chuan Kolasib District chhung a Village Council inthlanna hlawhtling taka kalpui a nih chungchangah thutharlakhawmtute kawmin,” Kolasib district-ah vote 60,666 atangin vote 44,589 a tla a, hei hi za zelah 73.5 a ni a, mipuiin thlamuang takin vote hi an thlak niin kan hria,” a ti a,”Village Council inthlanna hlawhtling tak kan neih theih nana theihtawp chhuahtu Sector Magistrate, Polling Officials zawng zawng, MPF, VLTF, Media leh voter te thuawihna chungah lawmthu ka sawi a ni,” a ti.

Pi H Lalchhandami, Election Observer chuan Kolasib district chu Covid-19 hri dona kawng a hmatawng nichung siin Village Council Election felfai tak a kalpui a ni thei chu Mizoram pum ang pawhin inbuatsaihna nei tha ber district a nih hial a rin thu sawiin,” Kolasib district-a Village Council Election 2020 kan kalpui danah hian Sawrkar, NGO leh mipuite thawhhona a that zia a lang chiang hle a ni,” a ti a, Media lam a thawktuten neitu nihna thinlung pu chung a, khawtlang tan a tha tur a an hriatah theihtawp an chhuah thin nia a hriatthu sawiin fakawm a tih a sawi bawk a ni.

Kolasib district-a vote 60,666 awm atangin vote 44,589 a tla a, hei hi za zelah 73.5 a ni. Mipa vote 29451 atangin vote tla zat hi 21427 a ni a, za zelah 72.75 a ni. Hmeichhe vote awm zat 31,215 atangin vote 23,162 a tla a, za zelah 74.2 a ni. Hortokiah voter tam berin 2,777 an awm a, vote 1,499 tlain, 53.98% a ni a, Voter tlemna ber Saihapui ‘V’ ah vote 85.38% tlain, voter 171 atangin 146-in vote an thlak thung a ni.

Mihring awm zat atanga chhut a Vote tlak thatna ber chu Mualkhang VC-ah a ni a, vote nei 313 zing a 281 ten vote an thlak a, hei hi za zelah 89.78 a ni.
Kolasib district chhung a Village Council 56-a inthlanna neih ah hian Mizo National Front (MNF) tlinna (Majority) Village Council 32, Indian National Congress (INC) 11, Zoram People’s Movement (ZPM) 3, Independent 2 leh insiamrem ngaihna Village Council 8 a awm a ni.