Vawiin khan Border Safety Monitoring Team, Kolasib District hnuai a Team IV te chuan COVID-19 hripui dona atana ramri dep khaw hrang hrang a Village Level Task Force Duty te an tlawh chhunzawm.

Border Safety Monitoring Team te hi Team li a inthen in, vawiin khan Team IV te chuan Saihapui V, Phainuam, North Chhimluang leh Vairengte an tlawh a. Pu Neng Thianlala, BDO, Bilkhawthlir, Pu Vanlalmuana, SDC, Kolasib leh Pu Hmingthanzuala, DIPRO, Kolasib te telin, heng VLTF te mamawh buhfai leh a tul a hman tur pawisa an pe a. Ramhlun North YMA atanga tanpuina dawn sumfai pawh heng VLTF te hnenah hian pek a ni bawk a ni. Ramri dep a duty-te hian Border Safety Monitoring Team te hnenah hian an harsatna hrang hrang an thlen te zingah, Phainuam VLTF te chuan pangangin an thingrai a ei chhiat nasat thu an lo thlen a, a rang thei ang ber a thuneituten hma lakpui turin an lo ngen a ni.