No.856/2020-2021

Covid-19 inkharkhipna kalpui mek a Kolasib district leh State dangte inrina kal khan hrang hranga Task Force duty te harsatna thlithlai a, an mamawh te ngaihtuah saktu tur Border Safety Monitoring Team ten duty-te an tlawhchhuak.

Border Safety Monitoring team te hi team hnihah inthenin Team pakhat hian Bairabi South, Bairabi North, Meidum, Pangbalkawn, South Chhimluang, Bukvannei, Buhchangphai leh Phaisen a duty te an tlawh a. Team hnihna hian Vairengte, Phainuam leh Saiphaite an tlawh bawk a ni.

Border Security Monitoring Team thawkchhuak zingah hian Pu Vanlalmuana, SDC, Kolasib, Pu Albert Vanlalruata, SDC Kolasib, Pu Ketan Bansal, IPS, SDPO, Kolasib, Pu C Liankunga, President, Sub Headquarter YMA, Kolasib leh YMA hruaitu dangte an tel a. Ramri dep a duty te hman tur Face mask leh Raincoat engemaw zah an hlan nghal a ni.