No.1031/2020-2020

Vawiin khan Kolasib District hnuai a din, ramri dep a Task Force duty-te mamawh ngaihtuah saktu tur, Border Safety Monitoring Team-te chuan Village Level Task Force Duty-na hmun 20 a duty-te hnenah buhfai leh thildang engemaw zah an hlan.

Border Safety Monitoring Team te hian vawiin leh naktuk hian Bairabi North, Bairabi South, Meidum, Pangbalkawn, Chhimluang, Saihapui K, Bukvannei, N. Thinglian, Buhchangphai, Phaisen, Bilkhawthlir Jt. Task Force, N. Chhimluang, Vairengte-I, Vairengte-II, Vairengte-III, Vairengte-IV, Phainuam, Saihapui V, Saiphai leh Saipum te an tlawh dawn a. Kolasib District chhunga Inter-state ramri-a Volunteer duty te hnenah hian Buhfai-80bags, Dailuah-200kg, Alu-20bags, Purun-300kg, Chi-40kg, Neutrela-100kg, Tel-80ltr., Aieng-100 packs leh Torch light-73 an sem dawn a ni.

Border Safety Monitoring Team-te hi May ni 6, 2020 khan ramri dep a duty-te tlawhchhuakin an mamawh leh harsatna te an lo enpui tawh a. Hemi tum hian duty-te hman tur Face mask leh raincoat an sem chhuak nual tawh bawk a ni.