2759/2024-2025

Kolasib Dated the 29 October 2024 : Vawiin chawhnu khan DC Conference Hall, Kolasibah Pu Robert C. Lalhmangaiha, Deputy Commissioner leh District Election Officer ni bawk chuan October ni 29, 2024 behchhana Kolasib District chhung a Assembly Constituency pathum a Electoral Roll ennawnna, Special Summary Revision of Electoral kalpui nan ‘Draft Electoral Roll’ a tlangzarh. He hunah hian Returning Officer, Electoral Registration Officer (ERO), Assistant Electoral Registration Officer (AERO) te an tel a, Political Party aiawh lo kalte hnenah Draft Electoral Roll hi hlan nghal a ni bawk.

Tlangzarhtu Kolasib District Election Officer chuan Draft Roll tlangzarh thei a a awm chu lawmawm a tih thu a sawi a. Vawiina Draft Roll an tlangzarh chu india ram inthlang ram a nih angin  a pawimawh hle a ni, a ti a. Mipui ten anmahni  aiawh an thlan thei na tur a nih avangin a sensitive em em a, chuvang chuan uluk taka buaipui a ngai a, a puitlin tu Election Office a thawktu zawngzawngte leh a kaihhnawih a tel zawng zawngte hnenah lawmthu a sawi bawk.

Pu H Lalramliana, Election Officer, Kolasib District pawhin thu sawiin, Vawiin a an Roll publish chu nakum jan 1 2025 a vote nei thei chin tur te tan a inbuatsaihna a ni, a ti a. Final Roll chu January ni 6 ah publish a ni ang a ti bawk. Vawiin a Draft Roll chungchang a zawhna leh hriatchian duh nei te tan zawh theih reng an nih thu a sawi bawk. 

Vawiin a Draft Roll Publish takah hian 4 Tuirial (ST) AC ah mi 18437 an awm a, 5 Kolasib (ST) AC ah mi 24297 awmin, 6 Serlui(ST) AC ah mi 21293 an awm a, a vai a belhkhawm in mi 64027 an awm a ni. Mipa 30,833 leh hmeichhia 33,194 an awm a, mipa 1000 zel ah hmeichhia 1076 awm anga chhut a ni. February ni 8, 2023-a Electoral Roll tlangzarh nen a khaikhinin vawiin a Draft Electoral Roll a Voter awm zat hi za zel ah 0.35% in a pung a ni.Hming thun luh leh siamthat ngai dilna hun hi 29.10.2024 - 28.11.2024 chhung hun hawn a ni bawk. 

Vawiin a Draft Electoral Roll tlangzarhna ahhian District Election Officer bakah, ERO, AERO leh party aiawhte leh NGO aiawhte an tel a ni.