No.972/2020-2020

Mizoram Sawrkar in ni 04,05.2020 leh ni 17.05,2020 inkara Mizoram chhunga Lockdown kalpui dan tur thupek a chhuah bawhzuiin Kolasib District chhunga kalpui dan tur District Level Task Force in dt.05.05.2020 hian a ngaihtuah a, hetiang hian ruahmanna siam a ni.

1. MIPUI PAWN CHHUAH CHUNGCHANG:

1) Village Level Task Force-ten mahni huamchhung theuh ah, mipui pawn chhuakte’n social
distance an zawm ngei a ni tih an enfiah thin ang. Entirnan; mipui kalkhawm, dawrhmuna

mi awmkhawm tamna tur, chhiatni thatni leh puipunna dang huaihawt chungchang leh tul dang apiangah sawrkar thupek a taka kalpui a ni em tih an enzui ang.

2) Mipui pawn chhuak apiangin Social Distancing tha takin an zawm tur a ni a, mask (hmaituamna) pawh vuah vek tur a ni ang. Hei hi VLTF te’n zawm a ni ngei em tih an enfiah thin bawk ang.

3) Kolasib, Vairengte, Bairabi leh Kawnpui bikah Joint Village Level Task Force in mobile team a din anga. Mobile Team te veng tina VLTF duty-na bakah khawchhung hmun hrang hrangah sawrkar thuchhuak zawm a ni em tih an enkual thin bawk ang.

II. BUNGRAW ZAWRH TUR LAK CHUNGCHANG:

1) Bungrua chahlut tur reng reng chuan mahni veng VLTF te theuh ah in report tur ani ang.

2) Bungrua hlanthlak (unload) tur nei reng reng chuan VLTF hnenah in report tur ani anga, VLTF te enpuina hnuaiah hlanthlak chauh tur a ni ang.

III. DAWR HAWN LEH BAZAR CHUNGCHANG:

1) Sawrkar thuchhuah angin dawr leh bazar reng reng tlai dar 5:00 hnu ah hawn phal a nilo.

2) Sawrkarin ruahmanna a lo siam tawh angin VLTF tin te’n mahni area chhunga dawr in hawn chhawk dan tur ah ruahmanna an siam ang.

3) VLTF tin in mahni veng theuh ah chawhmeh bazar an buatsaih ang a. Veng thenkhat Bazar siamremlo tan an veng bulhnai a VTLF bazar nei te nen in be rawnin ruahmanna an siam thei ang.

4) Dawr/Bazar a kal tur te’n social distancing tha takin an zawmtheih nan VLTF in ruahhmanna a siam anga, chu chu zawm ngei a ni tih an enfiah thin bawk ang.

IV. MOTOR TLAN DAN CHUNGCHANG:

1) Sawrkar in ruahmanna alo siam angin odd-even (number kawpkim leh kawpkimlo) angin intlanchhawk tur ani ang. Tul bik thilah erawh DC Office bakah Zonal Magistrate te’n SPECIAL PERMIT pek theih a ni ang.

2) Sawrkar hnathawk duty a chhuak te chuan an motor-ah duty an ni tih hriatna turin lehkha an tar ang a (Deptt. seal chhu tel in), Department lD an nei ngei tur a ni bawk ang.

3) Commercial Vehicle leh Mimal motor ah (Two-wheeler tello in) pawh passenger chuang thei atanga 50% chauh phurh phal ani ang. Tul bik thilah erawh DC Office bakah Zonal Magistrate te’n 50% aia tam chuanphalna an pe thei ang. Motor pakhata khat lutuk a chuan erawh phal a nilo.

4) Bungraw phur motor leh passenger phur motor ten khawchhung duhna lai laiah an din lohna turin mahni huamchhungah Village Level Task Force ten hma an la anga. Hemi atan hian Vairengte, Bilkhawthlir, Kolasib leh Kawnpui ah te, hmun remchang laiah hruithlunga duty tur ani anga. Duty te’n motor kaltlang tur reng reng an kalna tur hmun an thlen hma chu ding khawmuang lo turin an lo hrilh thin ang.

5) Khawkar kawngah motor ding khawmuang an awm leh awmloh en turin police bakah Jt.VLTF

Mobile Team ten a tul angin Highway dung and fang thin bawk ang. JI. VLTF din lohna khuaah chuan highway pa tlang VLTF ten hma an la ang.

6) Vairengte leh Bairabi Checkgate-ah motor lo lut tur reng reng chu motor hma ah an kalna tur khua chiang takin tar sak zel tur ani ang.

V. THE MIZOAM (CONTAINMENT AND PREVENTION OF COVID-19) ORDINANCE, 2020 KENKAWH DAN CHUNGCHANG

The Mizoram (Containment and Prevention of Covid-19) Ordinance, 2020 kenkawh dan tur chungchangah District Magistrate-in inkaihhruaina a siam zulzuiin kalpui tur ani ang. A chunga tarlante hi Kolasib District chhunga Mizoram Sawrkarin ni 04.05.2020 leh ni 17.05.2020 inkara Mizoram chhunga Lockdown kalpui dan tura thupek a chhuah kenkawh-na atana inkahhruaina a ni anga, Mizoram State sawrkar thuchhuah siam danglamna emaw thlakna emaw a ni lo.

Mitinin sawrkar thupek te zawm theuh tur a ni.