Kolasib District chhunga Assemby Constituency bial thum a Vote tlate chu hmun dang rualin Dec 9-ah chhiar a ni dawn a. Vote te hi Land Revenue & Settlement Office-ah chhiar a ni dawn a ni.

Land Revenue Office Vote chhiarna hmun tur hi puahchah fel thawkhat tawh a ni a. Vote chhiarna tur hmunah hian Bar felfai taka daidanin Counting Superviser , Counting assistant leh Micro Observer ten dawhkan pakhat zel kilin EVM-a vote tlate hi an chhiar dawn a. A zavaiin Counting Table 12 hun a ni dawn a ni. Counting Hallah hian Vote chhiar lai hi Election Observer te leh Returning Officer leh Asst. Returning Officer ten an vil reng dawn bawk a ni.

Kolasib-a vote chhiar na hmun tur hi puahchah fel thawkhat tawh a ni a. Vawiin khan Addl. DC Pu Lalfela Sailo hovin Official thenkhat leh Media ten an fang a. Vote chhiarna tur hmunah hian Media room te, Data Operator room leh Observer room tur te, Public announcement tihna hmun turte ruahmanna felfai taka siam a ni a. Counting Hall hung chhungah hian phalna nei, ID Card keng chauh luhtir an ni dawn a ni.

Vote te hi 4 Tuirial, 5- Kolasib leh 6- Serlui tih indawta chhiar a ni dawn a ni.