849/2025-2026

Kolasib, Dated 12th June, 2025: Ministry of Agriculture and Farmers Welfare bultuma Viksit Krishi Sankalp Abhiyan , ni 29 May 2025 atanga ram puma  hman chu vawiin khan Kolasib District tan a kharna program KVK Kolasib ah hman a ni a. He hunah hian Department hrang hrang DC , DRDO, DAO, DHO, DFDO, BDO, Irrigation leh ICAR lam atangin VKSA campaign hunlai a expert member te nen hun hman a ni.

He hun hi Pu P.C. Lalrintluanga, Subject Matter Specialist (Horticulture), KVK chuan kaihruaiin kalkhawmte inhmelhriattirna leh lawmna thu a sawi a. Dr. Michelle C. Lallawmkimi, Senior Scientist & Head, KVK Kolasib chuan Campaign report a pe a, Department hrang hrang te nena an thawhhona  a that avanga lawmthu sawiin Campaign chungchanga an hun hman tlan dan leh kuthnathawktute tana thil pawimawh hrang hrang sawihona neih a ni nghal a ni bawk. 

Ram pum huapa Vikshit Krishi Sankalp Abhiyan Campaign neih mek hi kuthnathawktu ten an hmalakna kawnga sorkarin hamthatna a siamsak te leh technology thar tha tak tak farmers te hman tangkai turte inhrilhhriatna a ni a. He Campaign hi May  ni 29 khan tan niin, Kolasib DC Pu Robert C. Lalhmangaiha chuan Kolasib District tan a hawng a. Vawiin, June ni 12 hian India ram pumpui tan Union Agriculture Minister Pu Shivraj Singh Chouhan chuan Gujarat ah kharna hun a hmanpui a ni.

He mi hun chhung hian Kolasib District a khaw hrang hrang 60 ah mithiam te fehchhuakin kuthnathawktu mi 7274 te hnenah, an hamthatna leh technology thar tha tak tak an hman tangkai turte hrilh hriat niin sawihona te neih thin nghal a ni.