Vawiin khan Kolasib DRDA Hall-ah Kolasib bial chhunga inthlanpui neihna tura Candidate te sum hman ral endiktu pawl Accounting team te chuan Expenditure  Observer Athiko Chalai , IA & AS hovin a chhawng hnihna atan  Campaign na atana an senso chi hrang hrangte chu an endik leh a. An sum senral tehi Expenditure register, Candidate theuh ten an thehluhah ziak lutin hengte hi uluk takin an chhinchhiah a ni,

Candidate te sum hman danah hian tun thlengin dan kalha che leh fello a awm lo tih observer hian a sawi a. Nov 23 ah khian a tum thumna atan an endik leh dawn a ni.

Kolasib District chhunga inthlan duty tur polling party khaw danga kal turte chu Nov 23 khian an duty na tur panin an chhuak dawn a. Duty a chhuak turte tan hian DC Office-ah Ballot Box hungin anmahni hman dan angin vote thlak mek reng a ni a. Hetih lai hian Duty –a chhuak tur training nei tawh, EVM hman dan chungchang leh thildang chungchanga hriat belh duh neite tan zirtirna Officer ten  DC office ah hian an pe reng bawk a ni.

Kolasib District chhung Assembly constituency pathum atan hian MLA candidate 11 an awm a, Tuirial-ah 3, Kolasib-ah 4 leh Serlui-ah 4 an ni.