Kolasib District chhunga MLA bial pathum chuh turin Candidate te chuan nomination an file mek zel a. Hetih lai hian Election Expenditure leh thil dang atana ruat Team hrang hrangte chuan an tihtur an ti chho mek bawk.

Vawiin khan District Election Officer & DC Pu R. Lalramnghaka hovin MCMC, Video Viewing Team leh Accounting team te chuan hna thawh dan tur DC office chamber-ah an sawi hova. Tun dinhmunah Video Camera te ala thlen loh avangin ni hnih khat hnuah Static Surveillance Team te chuan an hna an thawk tan dawn a. Media Room pawh DC Office-ah hawn fel tawh a ni bawk a. Flying Squad te pawhin an hna an tan thuai dawn bawk a ni.