No.533/2020-2021

Kolasib The 23rd April, 2020: Central Sawrkar Scheme PM-GKAY hnuaiah AAY leh PHH (NFSA) beneficiary te tan buhfai mipakhat zelah thlakhat atan Kg 5 a thlawna sem tur a ni a, April & May 2020 hi a ruala sem tur a nih avangin mipakhat zelah Kg. 10 (April & May) sem tur a ni.

FPS ten dan angin ration lak theih hun pangngai angin an kalpui tur a ni. Local Task Force te nen inbe remin a sem hun tur ruahmanna pawh an siam thei ang.

Retailer zawng zawngin a sem chhuah dan hi felfai takin proforma duan sa ang hian an sem dan leh an sem zat chiang takin Village Task Force leh Local Level Task Force leh Bialtu Centre Incharge te hriatpuina Counter Signature nen Bialtu DCSO ah an thehlut tur a ni. Centre i/c te hian a hnuaia retailer ten an Quota an sem kim lo emaw an pe kim lo emaw a nih chuan FPS hming leh an sem kim loh zat ziakin DCSO ah report a rang thei ang berin an thehlut tur a ni.