National De-Worming Day hman dan tur ngaituahin  Kolasib District committee on National de-worming day chu Chairman Pu R Zarzosanga kaihhruaina hnuaiah an thukhawm.

National De-Worming Day hi kum 2016 atanga hman tan niin , Kum 1 ah vawi 2 (February leh August) hman thin a ni a , tun tum hi February ni 9 a hman tur a ni. Sawrkar Laipui in a ruahman angin India ram puma  Kum 1 atanga kum 19 inkar naupangte chu Rulhut hlo (Albendazole) eitir tur an ni a, hemi denchhen hian Kolasib District ah pawh PHC leh CHC hrang hrang hnuaia Kum 1-19 inkar mi 31,020 eitir tura ruahman a ni. Rulhut Damdawi hi Kum 1 atanga kum 2 inkar naupangte chu mum chanve eitir tur an ni a, kum 2 chunglam naupangte chu mum 1 eitir tur an ni , Damdawi hi kolasib District a Sikul leh Anganwadi Centre hrang hranga sem tura ruahman a ni.

He thutkhawm ah hian Health Department, Social Welfare Department leh Education Department a hemi ni kaihhnawih Official te an tel a ni.