2763/2024-2025

Dated Kolasib the 29th October 2024 : Nizan, Dt 28.10.2024 khan Kolasib District Consumer Lok Adalat Awareness Campaign chu BCM Kolasib Kohhran Hall ah hman a ni a. He hun hi District Civil Supplies Office Kolasib leh District Legal Services Authority tangkawp ina an buatsaih niin,a Resource Person, Pi Cacy Malsawmtluangi, CJM Kolasib District atangin zirtirna ngaihthlak a ni bawk.

He hun ah hian Pu R Zirliana DCSO Kolasib District chuan thu sawiin, mi tin chu consumer an ni vek a ni, a ti a. Thil  lei leh hralh chungchang ah lungawilohna an neihin Court a kal a, Ukil rawihna neilo tan pawh Sawrkarin Lok Adalat a siam a, hetah hian sum sen ngailoin an lungawilohna leh thubuai dang pawh thlen theih vek a ni, a ti. Mizo te chuan dan hriat lam ah nasa zawk a tan lak  a pawimawh tak zet a ni, a ti bawk. 

Kolasib District Consumers Lok Adalat Awareness a Resource Person Pi Cacy Malsawmtluangi, CJM Kolasib District chuan Consumer Lok Adalat pawimawhna te sawiin, an dikna chanvo humhimna tur leh diklo taka thil zuar ni a an hriatte ngawihbo pui mai lova hma an lak theih dan tur te leh Consumer awareness chungchang a dan hriat ngai pawimawh zualte kalkhawmte hnenah sawizauna hun a hmang a ni. 

Nizan a Kolasib District a Consumer Lok Adalat Awareness Campaign ahhian khawtlang leh NGO aiawhte leh mi thahnem tak an tel a ni.