Vawiin khan Kolasib Disaster Management and Rehabilitation Authority chu an Chairman Pi Niharika Rai, IAS, Dy.Commissioner hovin DC Conference Hall, Project Vengah an thukhawm a. District chhunga chhiatna chi hrang hrang thleng thei laka invenna tur thil tih tul nia an hriatte an thlir ho.

Committee chuan Disaster Management Plan kum 2009-a lo siam tawh an thlir hova, hei hi a thara siam that nise, belh ngai leh paih ngaite en thain a rang lama siam thar an rel a. District chhung khaw hrang hranga Village Level Committee te chu koh khawma chhiatna a lo thlena rang taka chhanchhuahna thawh anih theih nana chet thawh dan chungchang training pek nise an ti a. Training hun atan nakum January thla nise an ti a ni.

Chhiatna chi hrang natural disaster te, man made disaster, entir nan, kangmei, ram kang, in kang, accident-te a lo thlena rang taka hma lak a nih theih nan Committee chuan a theih anga hma lak an rel a ni.