Kolasib District Fire Prevention Committee chu an Chairman Pu R. Liankima, DC hovin vawiin khan DC Conference Hall-ah an thukhawm a. Fire Prevention Week chhunga mipui mimir kangmei chhuak laka an fihlim theih nan uar taka hmalak nise tiin an rel.
Fire Prevention Week hawnna hi naktuk naktuk zing dar 7:00 ah Diakkawn Square-ah DC in a hawng ang a. Hetah hian sorkar hnathawk, tlawmngai pawl te leh mipui a tam thei ang ber kal tura beisei an ni a. Diakkawn High School atangin pawl 8 leh pawl 9 zirlaiten kangmei laka fimkhur tura thuziak placard kengin an tel bawk dawn a ni.
Week chhung hian tih dan thin angin district chhung khaw hrang hrangah kangmei laka fimkhur inzirtirna District Committee member ten an pe ang a. Mei lam sial hna uar taka khawtina thawk turin DRDA in NREGs inhlawhna kaltlangin an thawk ang, tiin committee chuan an rel a. Chief Minister hova tun hnaia State Level Fire Prevention Committee duh dan anga February thla chhung ngeia Lo hal hna chu thawh zawh vek nise tiin hemi atan hian nasa taka tan lak committee chuan a tum a ni. Mipuite zirtir nan khawtlangah FLS hmanga uar taka puan nise an ti a. Dan pela kal kangmei tichhuak an awm chuan an chungah actiion lak zel nise an ti bawk.
Week chhung hian tih dan thin angin district chhung khaw hrang hrangah kangmei laka fimkhur inzirtirna District Committee member ten an pe ang a. Mei lam sial hna uar taka khawtina thawk turin DRDA in NREGs inhlawhna kaltlangin an thawk ang, tiin committee chuan an rel a. Chief Minister hova tun hnaia State Level Fire Prevention Committee duh dan anga February thla chhung ngeia Lo hal hna chu thawh zawh vek nise tiin hemi atan hian nasa taka tan lak committee chuan a tum a ni. Mipuite zirtir nan khawtlangah FLS hmanga uar taka puan nise an ti a. Dan pela kal kangmei tichhuak an awm chuan an chungah actiion lak zel nise an ti bawk.
