No.4430/2020-2021

Kolasib, 26th August 2020: Tukin khan Kolasib DC Office tualzawl atangin Dr. H. Lalthlangliana, District Election Officer leh Pi H. Lalchhandami, Election Observer-te enpuina hnuaiah Kolasib district huam chhung a inthlanna a hman tur bungraw hrang hrangte chu inthlanna tur hmun theuh ah thawn chhuah a ni a, venhimna uluk tak hnuaiah bialtu Sector Magistrate theuh ten inthlanna tur hmun ah an dah dawn a ni.

Kolasib district ah hian Constituency 56 awmin Sector Magistrate 11 ten an vil dawn a. Ni 27.08.2020 zing dar 7:00 AM atanga tlai dar 5:00 PM thleng inthlanna hun hi hawn a ni ang a, Covid-19 hri lak a, him tak a inthlanna kalpui a nih theih nan Polling booth bul ah hian vote thlak turte dinna tur chhinchhiahna siam a ni ang. Hand sanitizer leh kut silna ruahman a ni dawn a, hmanraw inkhawihtawm a awm loh nan ruahmanna hrang hrang siam a ni dawn bawk a ni. Polling station bul a serial number zawng a voter pung khawm an awm loh nan Voter serial number pawh Electronic media hmang a thawn chhuah vek a ni tawh a ni.

Kolasib district-ah hian Voter 60,666 awmin mipa 29,451 leh hmeichhia 31,215 an awm a. Village Council 56 awmin seat 278 a awm a, General seat (Unreserved) 208 leh a dang 70 chu hmeichhe tan bik a seat, Reserved seat a ni. Hortokiah vote nei tam berin voter 2777 an awm a, Saihapui V ah voter 171 awmin in 52 a awm a, vote tlemna ber a ni. Kolasib district chhung ah hian vote thlakna tur Polling booth 92 a awm dawn bawk a ni.